עַמִּים֙ הַר־יִקְרָ֔אוּ שָׁ֖ם יִזְבְּח֣וּ זִבְחֵי־צֶ֑דֶק כִּ֣י שֶׁ֤פַע יַמִּים֙ יִינָ֔קוּ וּשְׂפוּנֵ֖י טְמ֥וּנֵי חֽוֹל׃ (ס)
מחזור אשכנז לראש השנה
לַמְנַצֵּֽחַ לִבְנֵי־קֹֽרַח מִזְמוֹר: כָּל־הָעַמִּים תִּקְעוּ־כָף הָרִֽיעוּ לֵאלֹהִים בְּקוֹל רִנָּה: כִּי־יְהֹוָה עֶלְיוֹן נוֹרָא מֶֽלֶךְ גָּדוֹל עַל־כָּל־הָאָֽרֶץ: יַדְבֵּר עַמִּים תַּחְתֵּֽינוּ וּלְאֻמִּים תַּֽחַת רַגְלֵֽינוּ: יִבְחַר־לָֽנוּ אֶת־נַחֲלָתֵֽנוּ אֶת גְּאוֹן יַעֲקֹב אֲשֶׁר־אָהֵב סֶֽלָה: עָלָה אֱלֹהִים בִּתְרוּעָה יְהֹוָה בְּקוֹל שׁוֹפָר: זַמְּרוּ אֱלֹהִים זַמֵּֽרוּ זַמְּרוּ לְמַלְכֵּֽנוּ זַמֵּֽרוּ: כִּי מֶֽלֶךְ כָּל־הָאָֽרֶץ אֱלֹהִים זַמְּרוּ מַשְׂכִּיל: מָלַךְ אֱלֹהִים עַל־גּוֹיִם אֱלֹהִים יָשַׁב | עַל־כִּסֵּא קָדְשׁוֹ: נְדִיבֵי עַמִּים| נֶאֱסָֽפוּ עַם אֱלֹהֵי אַבְרָהָם כִּי לֵאלֹהִים מָגִנֵּי־אֶֽרֶץ מְאֹד נַעֲלָה: