וַיֹּ֨אמֶר יְהוָ֤ה אֶל־יְהוֹשֻׁ֙עַ֙ אַל־תִּירָ֣א מֵהֶ֔ם כִּ֥י בְיָדְךָ֖ נְתַתִּ֑ים לֹֽא־יַעֲמֹ֥ד אִ֛ישׁ מֵהֶ֖ם בְּפָנֶֽיךָ׃
ספר הישר (מדרש)
ויהושע הכה את כל המלכים אשר מעבר הירדן ימה, ויתנם לנחלה לתשעת המטות וחצי המטה. חמש שנים עשה יהושע את כל המלכים האלה מלחמה ויתן את עריהם לישראל, והארץ שקטה מהמלחמה בכל ערי האמורי והכנענים. בעת ההיא בשנת חמש שנים לעבור בני ישראל את הירדן, אחרי אשר שקטו בני ישראל ממלחמתם את הכנעני. ויקומו בעת ההיא מלחמות גדולות חזקות ועצומות בין אדום ובין בני כיתים, וילחמו בני כיתים את אדום. ויצא אביאנוס מלך כתימה בשנה ההיא שנת שלושים ואחת למלכו ויד חזקה עמו מגיבורי בני כיתים, וילך שעירה להילחם את בני עשו. וישמע הדד מלך אדום את שומעו ויצא לקראתו בעם כבד וביד חזקה, ויערוך איתו מלחמה בשדה אדום. ותגבר יד כיתים על בני עשו ויהרגו בני כיתים מבני עשו שניים ועשרים אלף, וינוסו כל בני עשו לפניהם. וירדפו אחריהם בני כיתים וידביקו את הדד מלך אדום רץ לפניהם ויתפשוהו חי, ויביאו אותו אל אביאנוס מלך כיתים. ויצו אביאנוס ויהרגוהו, וימת הדד מלך אדום בשנת ארבעים ושמונה שנה למלכו. וירדפו עוד בני כיתים את אדום ויכו בהם מכה רבה, ויכנע אדום לפני בני כיתים. וימשלו בני כיתים על אדום ויהי אדום תחת יד בני כיתים, ויהיו לממלכה אחת מהיום ההוא והלאה. ולא יספו עוד לשאת ראשם מימים ההם, ותהי ממלכתם אחת עם בני כיתים. וישם אביאנוס נציבים באדום ויהיו כל בני אדום עבדים למס עובד לאביאנוס, ויפן אביאנוס וישב אל ארצו כתימה. ויהי בשובו ויחדש את מלכותו ויבן לו היכל גדול ועצום למושב המלוכה, וימלוך לבטח על בני כיתים ועל אדום. בימים ההם כאשר הורישו בני ישראל את כל הכנעני והאמורי, ויהושע זקן בא בימים. ויאמר ה׳ אל יהושע, אתה זקנת באת בימים והארץ נשארה הרבה מאוד לרשתה. ועתה חלק את כל הארץ בנחלה לתשעת השבטים, וחצי שבט המנשי. ויקם יהושע ויעש כאשר דיבר אליו ה׳, ויחלק את כל הארץ לשבטי ישראל ירושה במחלקותם. רק לשבט הלוי לא נתן נחלה, אשי ה׳ הוא נחלתו כאשר דיבר ה׳ ביד משה לו.
ספר הישר (מדרש)
בעת ההיא אמר ה׳ אל משה הן קרבו ימיך למות, קח לך את יהושע בן נון משרתך והתייצבו באוהל מועד ואצונו, ויעש משה כן. וירא ה׳ באוהל בעמוד ענן, ויעמוד עמוד הענן על פתח האוהל. ויצו ה׳ את יהושע בן נון ויאמר לו, חזק ואמץ כי אתה תביא את בני ישראל אל הארץ אשר נשבעתי להם ואנוכי אהיה עמך. ויאמר משה אל יהושע, חזק ואמץ כי אתה תנחיל את הארץ אל בני ישראל וה׳ יהיה עמך לא ירפך ולא יעזבך אל תירא ואל תחת. ויקרא משה אל כל ישראל ויאמר להם, אתם ראיתם את כל הטובה אשר עשה לכם ה׳ אלוקיכם במדבר. ועתה שמרו לכם את כל דברי התורה הזאת ולכו בדרך ה׳ אלוקיכם, אל תסורו מכל הדרך אשר ציוה ה׳ אתכם ימין ושמאל. וילמד משה את בני ישראל חוקים ומשפטים ותורות לעשות בארץ, כאשר ציוהו ה׳. וילמדם את דרך ה׳ ואת תורותיו, הלא הם כתובים על ספר תורת האלוקים אשר נתן אל בני ישראל ביד משה. ויכל משה לצוות את בני ישראל, ויאמר ה׳ אליו לאמור. עלה אל ער העברים ומות שם והאסף אל עמך, כאשר נאסף אהרון אחיך. ויעל משה כאשר ציוהו ה׳ וימת שם בארץ מואב על פי ה׳, בשנת הארבעים לצאת בני ישראל מארץ מצרים. ויבכו בני ישראל את משה בערבות מואב שלושים יום, ויתמו ימי בכי אבל משה.