תהילים צב:א ציטוטים בתנ"ך: סידור אשכנז, סידור נוסח עדות המזרח וסידור ספרד

הַיום יום שַׁבָּת קודֶשׁ שֶׁבּו הָיוּ הַלְוִיִּם אומְרִים בְּבֵית הַמִּקְדָּשׁ:
מִזְמור שִׁיר לְיום הַשַּׁבָּת:

הַשִׁיר שֶׁהַלְוִיִּם הָיוּ אומְרִים בְּבֵית הַמִּקְדָּשׁ:
בַּיּום הָרִאשׁון הָיוּ אומְרִים. לה' הָאָרֶץ וּמְלואָהּ תֵּבֵל וְיושְׁבֵי בָהּ:
בַּשֵּׁנִי הָיוּ אומְרִים. גָּדול ה' וּמְהֻלָּל מְאד בְּעִיר אֱלהֵינוּ הַר קָדְשׁו:
בַּשְּׁלִישִׁי הָיוּ אומְרִים. אֱלהִים נִצָּב בַּעֲדַת אֵל בְּקֶרֶב אֱלהִים יִשְׁפּט:
בָּרְבִיעִי הָיוּ אומְרִים. אֵל נְקָמות ה' אֵל נְקָמות הופִיעַ:
בַּחֲמִישִׁי הָיוּ אומְרִים. הַרְנִינוּ לֵאלהִים עוּזֵּנוּ הָרִיעוּ לֵאלהֵי יַעֲקב:
בַּשִּׁשִּׁי הָיוּ אומְרִים. ה' מָלָךְ גֵּאוּת לָבֵשׁ לָבֵשׁ ה' עז הִתְאַזָּר אַף תִּכּון תֵּבֵל בַּל תִּמּוט:
בַּשַּׁבָּת הָיוּ אומְרִים. מִזְמור שִׁיר לְיום הַשַּׁבָּת. מִזְמור שִׁיר לֶעָתִיד לָבא לְיום שֶׁכֻּלּו שַׁבָּת וּמְנוּחָה לְחַיֵּי הָעולָמִים:

מִזְמ֥וֹר (תהילים צ״ב:א׳-ג׳) שִׁ֗יר לְי֣וֹם הַשַּׁבָּֽת׃ ט֗וֹב לְהֹד֥וֹת לַיהֹוָ֑ה וּלְזַמֵּ֖ר לְשִׁמְךָ֣ עֶלְיֽוֹן׃ לְהַגִּ֣יד בַּבֹּ֣קֶר חַסְדֶּ֑ךָ וֶ֝אֱמ֥וּנָתְךָ֗ בַּלֵּילֽוֹת׃ עֲֽלֵי־עָ֭שׂוֹר וַעֲלֵי־נָ֑בֶל עֲלֵ֖י הִגָּי֣וֹן בְּכִנּֽוֹר׃ כִּ֤י שִׂמַּחְתַּ֣נִי יְהֹוָ֣ה בְּפׇעֳלֶ֑ךָ בְּֽמַעֲשֵׂ֖י יָדֶ֣יךָ אֲרַנֵּֽן׃ מַה־גָּדְל֣וּ מַעֲשֶׂ֣יךָ יְהֹוָ֑ה מְ֝אֹ֗ד עָמְק֥וּ מַחְשְׁבֹתֶֽיךָ׃ אִֽישׁ־בַּ֭עַר לֹ֣א יֵדָ֑ע וּ֝כְסִ֗יל לֹא־יָבִ֥ין אֶת־זֹֽאת׃ בִּפְרֹ֤חַ רְשָׁעִ֨ים ׀ כְּמ֥וֹ עֵ֗שֶׂב וַ֭יָּצִיצוּ כׇּל־פֹּ֣עֲלֵי אָ֑וֶן לְהִשָּׁמְדָ֥ם עֲדֵי־עַֽד׃ וְאַתָּ֥ה מָר֗וֹם לְעֹלָ֥ם יְהֹוָֽה׃ כִּ֤י הִנֵּ֪ה אֹיְבֶ֡יךָ ׀ יְֽהֹוָ֗ה כִּֽי־הִנֵּ֣ה אֹיְבֶ֣יךָ יֹאבֵ֑דוּ יִ֝תְפָּרְד֗וּ כׇּל־פֹּ֥עֲלֵי אָֽוֶן׃ וַתָּ֣רֶם כִּרְאֵ֣ים קַרְנִ֑י בַּ֝לֹּתִ֗י בְּשֶׁ֣מֶן רַעֲנָֽן׃ וַתַּבֵּ֥ט עֵינִ֗י בְּשׁ֫וּרָ֥י בַּקָּמִ֖ים עָלַ֥י מְרֵעִ֗ים תִּשְׁמַ֥עְנָה אׇזְנָֽי׃ צַ֭דִּיק כַּתָּמָ֣ר יִפְרָ֑ח כְּאֶ֖רֶז בַּלְּבָנ֣וֹן יִשְׂגֶּֽה׃ שְׁ֭תוּלִים בְּבֵ֣ית יְהֹוָ֑ה בְּחַצְר֖וֹת אֱלֹהֵ֣ינוּ יַפְרִֽיחוּ׃ ע֭וֹד יְנוּב֣וּן בְּשֵׂיבָ֑ה דְּשֵׁנִ֖ים וְֽרַעֲנַנִּ֣ים יִהְיֽוּ׃ לְ֭הַגִּיד כִּֽי־יָשָׁ֣ר יְהֹוָ֑ה צ֝וּרִ֗י וְֽלֹא־[עַוְלָ֥תָה] עלתה בּֽוֹ׃