Job 20

Kabanata 20

א וַ֭יַּעַן צֹפַ֥ר הַנַּֽעֲמָתִ֗י וַיֹּאמַֽר׃
1 Pagkatapos ay sumagot si Zofar na Naamatita, at sinabi:
ב לָ֭כֵן שְׂעִפַּ֣י יְשִׁיב֑וּנִי וּ֝בַעֲב֗וּר ח֣וּשִׁי בִֽי׃
2 Kaya't ang aking mga isipan ay nagtutulak sa akin na sumagot, at dahil ito sa pananahimik na nasa loob ko.
ג מוּסַ֣ר כְּלִמָּתִ֣י אֶשְׁמָ֑ע וְ֝ר֗וּחַ מִֽבִּינָתִ֥י יַעֲנֵֽנִי׃
3 Narinig ko ang pagsaway na humihiya sa akin, at ang espiritu mula sa aking pang-unawa ang nagtutulak sa akin na sumagot.
ד הֲזֹ֣את יָ֭דַעְתָּ מִנִּי־עַ֑ד מִנִּ֤י שִׂ֖ים אָדָ֣ם עֲלֵי־אָֽרֶץ׃
4 Hindi mo ba alam ito mula pa noong una, mula nang ilagay ang tao sa ibabaw ng lupa:
ה כִּ֤י רִנְנַ֣ת רְ֭שָׁעִים מִקָּר֑וֹב וְשִׂמְחַ֖ת חָנֵ֣ף עֲדֵי־רָֽגַע׃
5 na ang pagsasaya ng masasama ay panandalian lamang, at ang kagalakan ng mapagkunwari ay sandali lamang?
ו אִם־יַעֲלֶ֣ה לַשָּׁמַ֣יִם שִׂיא֑וֹ וְ֝רֹאשׁ֗וֹ לָעָ֥ב יַגִּֽיעַ׃
6 Kahit na ang kanyang kataasan ay umabot hanggang sa langit, at ang kanyang ulo ay sumapit hanggang sa mga ulap,
ז כְּֽ֭גֶלֲלוֹ לָנֶ֣צַח יֹאבֵ֑ד רֹ֝אָ֗יו יֹאמְר֥וּ אַיּֽוֹ׃
7 siya ay mapapahamak magpakailanman tulad ng kanyang sariling dumi; ang mga nakakita sa kanya ay magsasabi, “Nasaan na siya?”
ח כַּחֲל֣וֹם יָ֭עוּף וְלֹ֣א יִמְצָא֑וּהוּ וְ֝יֻדַּ֗ד כְּחֶזְי֥וֹן לָֽיְלָה׃
8 Gaya ng panaginip ay lilipad siyang palayo, at hindi na siya matatagpuan; itataboy siyang palayo gaya ng pangitain sa gabi.
ט עַ֣יִן שְׁ֭זָפַתּוּ וְלֹ֣א תוֹסִ֑יף וְלֹא־ע֝֗וֹד תְּשׁוּרֶ֥נּוּ מְקוֹמֽוֹ׃
9 Ang matang nakakita sa kanya ay hindi na siya makikita pang muli, at hindi na siya mamamasdan pa ng kanyang lugar.
י בָּ֭נָיו יְרַצּ֣וּ דַלִּ֑ים וְ֝יָדָ֗יו תָּשֵׁ֥בְנָה אוֹנֽוֹ׃
10 Ang kanyang mga anak ay mapipilitang makipagkasundo sa mga dukha, at ang kanyang sariling mga kamay ang magsasauli ng kanyang kayamanang inagaw.
יא עַ֭צְמוֹתָיו מָלְא֣וּ עלומו [עֲלוּמָ֑יו] וְ֝עִמּ֗וֹ עַל־עָפָ֥ר תִּשְׁכָּֽב׃
11 Ang kanyang mga buto ay puno pa ng lakas ng kanyang kabataan, ngunit ito ay hihigang kasama niya sa alabok.
יב אִם־תַּמְתִּ֣יק בְּפִ֣יו רָעָ֑ה יַ֝כְחִידֶ֗נָּה תַּ֣חַת לְשׁוֹנֽוֹ׃
12 Kahit na matamis sa kanyang bibig ang kasamaan, at itinatago niya ito sa ilalim ng kanyang dila,
יג יַחְמֹ֣ל עָ֭לֶיהָ וְלֹ֣א יַֽעַזְבֶ֑נָּה וְ֝יִמְנָעֶ֗נָּה בְּת֣וֹךְ חִכּֽוֹ׃
13 kahit na pinanghihinayangan niya ito at ayaw niyang bitawan, at pinipigil pa rin niya ito sa loob ng kanyang ngalangala,
יד לַ֭חְמוֹ בְּמֵעָ֣יו נֶהְפָּ֑ךְ מְרוֹרַ֖ת פְּתָנִ֣ים בְּקִרְבּֽוֹ׃
14 ang kanyang pagkain ay magbabago sa loob ng kanyang tiyan, at magiging kamandag ng mga ulupong sa loob niya.
טו חַ֣יִל בָּ֭לַע וַיְקִאֶ֑נּוּ מִ֝בִּטְנ֗וֹ יוֹרִשֶׁ֥נּוּ אֵֽל׃
15 Nilulon niya ang kayamanan, ngunit isusuka rin niya ito; palalayasin ito ng Diyos mula sa kanyang tiyan.
טז רֹאשׁ־פְּתָנִ֥ים יִינָ֑ק תַּֽ֝הַרְגֵ֗הוּ לְשׁ֣וֹן אֶפְעֶֽה׃
16 Sisipsipin niya ang kamandag ng mga ulupong; papatayin siya ng dila ng ahas.
יז אַל־יֵ֥רֶא בִפְלַגּ֑וֹת נַהֲרֵ֥י נַ֝חֲלֵ֗י דְּבַ֣שׁ וְחֶמְאָֽה׃
17 Hindi na niya mamasdan ang mga batis, ang mga ilog at mga agos ng pulot at mantikilya.
יח מֵשִׁ֣יב יָ֭גָע וְלֹ֣א יִבְלָ֑ע כְּחֵ֥יל תְּ֝מוּרָת֗וֹ וְלֹ֣א יַעֲלֹֽס׃
18 Isasauli niya ang kanyang pinagpaguran, at hindi niya ito malululon; ayon sa laki ng kayamanan ay magiging gayon din ang kapalit nito, at hindi siya magsasaya.
יט כִּֽי־רִ֭צַּץ עָזַ֣ב דַּלִּ֑ים בַּ֥יִת גָּ֝זַ֗ל וְלֹ֣א יִבֶנֵֽהוּ׃
19 Sapagkat dinurog niya ang mga dukha at saka sila iniwan; nang-agaw siya ng bahay na hindi niya itinayo.
כ כִּ֤י ׀ לֹא־יָדַ֣ע שָׁלֵ֣ו בְּבִטְנ֑וֹ בַּ֝חֲמוּד֗וֹ לֹ֣א יְמַלֵּֽט׃
20 Sapagkat hindi kailanman nakaranas ng kapanatagan ang kanyang tiyan, wala siyang maililigtas mula sa kanyang kayamanang labis niyang pinagnasaan.
כא אֵין־שָׂרִ֥יד לְאָכְל֑וֹ עַל־כֵּ֝֗ן לֹא־יָחִ֥יל טוּבֽוֹ׃
21 Wala siyang itinitirang anuman sa kanyang pagkain; kaya't hindi uunlad ang kanyang kasaganaan.
כב בִּמְלֹ֣אות שִׂ֭פְקוֹ יֵ֣צֶר ל֑וֹ כָּל־יַ֖ד עָמֵ֣ל תְּבוֹאֶֽנּוּ׃
22 Sa kasagsagan ng kanyang kasaganaan ay sasapitin siya ng kagipitan; ang kamay ng bawat inaapi ay darating laban sa kanya.
כג יְהִ֤י ׀ לְמַלֵּ֬א בִטְנ֗וֹ יְֽשַׁלַּח־בּ֭וֹ חֲר֣וֹן אַפּ֑וֹ וְיַמְטֵ֥ר עָ֝לֵ֗ימוֹ בִּלְחוּמֽוֹ׃
23 Upang punuin ang kanyang tiyan, ipadadala Niya sa kanya ang bangis ng Kanyang galit, at pauulanan Niya sila nito sa Kanyang pakikidigma.
כד יִ֭בְרַח מִנֵּ֣שֶׁק בַּרְזֶ֑ל תַּ֝חְלְפֵ֗הוּ קֶ֣שֶׁת נְחוּשָֽׁה׃
24 Kung tumakas man siya mula sa sandatang bakal, tatagusan siya ng palaso ng panang tanso.
כה שָׁלַף֮ וַיֵּצֵ֪א מִגֵּ֫וָ֥ה וּ֭בָרָק מִֽמְּרֹרָת֥וֹ יַהֲלֹ֗ךְ עָלָ֥יו אֵמִֽים׃
25 Hinugot ito at lumabas mula sa kanyang katawan; ang kumikislap na talim ay lumalabas mula sa kanyang apdo; mga sindak ang sasapit sa kanya.
כו כָּל־חֹשֶׁךְ֮ טָמ֪וּן לִצְפּ֫וּנָ֥יו תְּ֭אָכְלֵהוּ אֵ֣שׁ לֹֽא־נֻפָּ֑ח יֵ֖רַע שָׂרִ֣יד בְּאָהֳלֽוֹ׃
26 Ang lahat ng kadiliman ay nakalaan para sa kanyang mga nakatagong kayamanan; lalamunin siya ng apoy na hindi hinipan, at sasapit ang kapahamakan sa sinumang matitira sa kanyang tolda.
כז יְגַלּ֣וּ שָׁמַ֣יִם עֲוֺנ֑וֹ וְ֝אֶ֗רֶץ מִתְקוֹמָ֘מָ֥ה לֽוֹ׃
27 Ihahayag ng langit ang kanyang kasamaan, at ang lupa ay babangon laban sa kanya.
כח יִ֭גֶל יְב֣וּל בֵּית֑וֹ נִ֝גָּר֗וֹת בְּי֣וֹם אַפּֽוֹ׃
28 Ang ani ng kanyang bahay ay mapapalayo; aagos itong palayo sa araw ng Kanyang galit.
כט זֶ֤ה ׀ חֵֽלֶק־אָדָ֣ם רָ֭שָׁע מֵאֱלֹהִ֑ים וְנַחֲלַ֖ת אִמְר֣וֹ מֵאֵֽל׃ (פ)
29 Ito ang bahagi ng taong masama mula sa Diyos, at ang manang itinakda para sa kanya ng Diyos.
Nakaraang KabanataSusunod na Kabanata