איוב 26

קאַפּיטל 26

א וַיַּ֥עַן אִיּ֗וֹב וַיֹּאמַֽר׃

1 האָט געענטפֿערט אִיובֿ, און האָט געזאָגט:

ב מֶה־עָזַ֥רְתָּ לְלֹא־כֹ֑חַ ה֝וֹשַׁ֗עְתָּ זְר֣וֹעַ לֹא־עֹֽז׃

2 װי האָסטו געהאָלפֿן דעם װאָס אָן כּוח!בײַגעשטאַנען דעם אָרעם אָן מאַכט!

ג מַה־יָּ֭עַצְתָּ לְלֹ֣א חָכְמָ֑ה וְ֝תוּשִׁיָּ֗ה לָרֹ֥ב הוֹדָֽעְתָּ׃

3 װי האָסטו געעֵצֶהט דעם װאָס אָן חכמה, און קלוגשאַפֿט אַ סך געלאָזט װיסן!

ד אֶת־מִ֭י הִגַּ֣דְתָּ מִלִּ֑ין וְנִשְׁמַת־מִ֝י יָצְאָ֥ה מִמֶּֽךָּ׃

4 מיט װעמעס הילף האָסטו געזאָגט די װערטער?און װעמעס אָטעם איז אַרױסגעגאַנגען פֿון דיר?

ה הָרְפָאִ֥ים יְחוֹלָ֑לוּ מִתַּ֥חַת מַ֝֗יִם וְשֹׁכְנֵיהֶֽם׃

5 די מתים ציטערן, די װאַסערן פֿון אונטן מיט זײערע באַװױנער.

ו עָר֣וֹם שְׁא֣וֹל נֶגְדּ֑וֹ וְאֵ֥ין כְּ֝ס֗וּת לָֽאֲבַדּֽוֹן׃

6 נאַקעט איז די אונטערערד פֿאַר אים, און אָן אַ צודעק איז דער אָפּגרונט.

ז נֹטֶ֣ה צָפ֣וֹן עַל־תֹּ֑הוּ תֹּ֥לֶה אֶ֝֗רֶץ עַל־בְּלִי־מָֽה׃

7 ער שפּרײט אױס דעם צפֿון איבער דעם תּוהו, ער הענגט אױף די ערד אױף גאָרנישט.

ח צֹרֵֽר־מַ֥יִם בְּעָבָ֑יו וְלֹא־נִבְקַ֖ע עָנָ֣ן תַּחְתָּֽם׃

8 ער בינדט אײַן די װאַסערן אין זײַנע כמאַרעס, און ניט צעפּלאַצט װערט דער װאָלקן אונטער זײ.

ט מְאַחֵ֥ז פְּנֵי־כִסֵּ֑ה פַּרְשֵׁ֖ז עָלָ֣יו עֲנָנֽוֹ׃

9 ער פֿאַרדעקט דעם פּנים פֿונעם טראָן, ער פֿאַרשפּרײט זײַן װאָלקן איבער אים.

י חֹֽק־חָ֭ג עַל־פְּנֵי־מָ֑יִם עַד־תַּכְלִ֖ית א֣וֹר עִם־חֹֽשֶׁךְ׃

10 ער האָט געצירקלט אַ גרענעץ אױפֿן װאַסער, ביז צום סָוף פֿון ליכט און פֿינצטערניש.

יא עַמּוּדֵ֣י שָׁמַ֣יִם יְרוֹפָ֑פוּ וְ֝יִתְמְה֗וּ מִגַּעֲרָתֽוֹ׃

11 די זײַלן פֿון הימל טרײסלען זיך, און װערן צעטומלט פֿון זײַן אָנגעשרײ.

יב בְּ֭כֹחוֹ רָגַ֣ע הַיָּ֑ם ובתובנתו [וּ֝בִתְבוּנָת֗וֹ] מָ֣חַץ רָֽהַב׃

12 מיט זײַן כּוח צערודערט ער דעם ים, און מיט זײַן פֿאַרשטאַנדיקײט צעהאַקט ער רַהַבֿ.

יג בְּ֭רוּחוֹ שָׁמַ֣יִם שִׁפְרָ֑ה חֹֽלֲלָ֥ה יָ֝ד֗וֹ נָחָ֥שׁ בָּרִֽיחַ׃

13 דורך זײַן אָטעם װערט לױטער דער הימל;זײַן האַנט האָט דערשלאָגן די לױפֿיקע שלאַנג.

יד הֶן־אֵ֤לֶּה ׀ קְצ֬וֹת דרכו [דְּרָכָ֗יו] וּמַה־שֵּׁ֣מֶץ דָּ֭בָר נִשְׁמַע־בּ֑וֹ וְרַ֥עַם גבורתו [גְּ֝בוּרוֹתָ֗יו] מִ֣י יִתְבּוֹנָֽן׃ (ס)

14 זע, דאָס זײַנען טײל פֿון זײַנע װעגן; און װאָס פֿאַר אַ קלײן מורמל הערן מיר פֿון אים! אָבער דעם דונער פֿון זײַנע גבֿורות װער קען פֿאַרשטײן?