איוב 32

קאַפּיטל 32

א וַֽיִּשְׁבְּת֡וּ שְׁלֹ֤שֶׁת הָאֲנָשִׁ֣ים הָ֭אֵלֶּה מֵעֲנ֣וֹת אֶת־אִיּ֑וֹב כִּ֤י ה֖וּא צַדִּ֣יק בְּעֵינָֽיו׃ (פ)
1 און די דאָזיקע דרײַ מענער האָבן אױפֿגעהערט ענטפֿערן אִיובֿן, װײַל ער איז געװען גערעכט אין זײַנע אױגן.
ב וַיִּ֤חַר אַ֨ף ׀ אֱלִיה֣וּא בֶן־בַּרַכְאֵ֣ל הַבּוּזִי֮ מִמִּשְׁפַּ֪חַ֫ת רָ֥ם בְּ֭אִיּוֹב חָרָ֣ה אַפּ֑וֹ עַֽל־צַדְּק֥וֹ נַ֝פְשׁ֗וֹ מֵאֱלֹהִֽים׃
2 האָט געגרימט דער צאָרן פֿון אליהוא דעם זון פֿון בַרַכאֵל דעם בוזי פֿון דער משפּחה רָם; אױף אִיובֿן האָט געגרימט זײַן צאָרן פֿאַר װאָס ער מאַכט זיך גערעכטער פֿון גאָט,
ג וּבִשְׁלֹ֣שֶׁת רֵעָיו֮ חָרָ֪ה אַ֫פּ֥וֹ עַ֤ל אֲשֶׁ֣ר לֹא־מָצְא֣וּ מַעֲנֶ֑ה וַ֝יַּרְשִׁ֗יעוּ אֶת־אִיּֽוֹב׃
3 און אױף זײַנע דרײַ גוטע פֿרײַנט האָט געגרימט זײַן צאָרן פֿאַר װאָס זײ האָבן ניט געפֿונען אַן ענטפֿער, פֿון דעסט װעגן האָבן זײ באַשולדיקט אִיובֿן.
ד וֶֽאֱלִיה֗וּ חִכָּ֣ה אֶת־אִ֭יּוֹב בִּדְבָרִ֑ים כִּ֤י זְֽקֵנִים־הֵ֖מָּה מִמֶּ֣נּוּ לְיָמִֽים׃
4 און אליהוא האָט אָפּגעװאַרט מיט רײד אַקעגן אִיובֿן, װײַל זײ זײַנען געװען עלטער פֿון אים אין טעג.
ה וַיַּ֤רְא אֱלִיה֗וּא כִּ֘י אֵ֤ין מַעֲנֶ֗ה בְּ֭פִי שְׁלֹ֥שֶׁת הָאֲנָשִׁ֗ים וַיִּ֥חַר אַפּֽוֹ׃ (פ)
5 אָבער אַז אליהוא האָט געזען אַז קײן ענטפֿער איז ניטאָ אין מױל פֿון די דרײַ מענער האָט געגרימט זײַן צאָרן.
ו וַיַּ֤עַן ׀ אֱלִיה֖וּא בֶן־בַּֽרַכְאֵ֥ל הַבּוּזִ֗י וַיֹּ֫אמַ֥ר צָ֘עִ֤יר אֲנִ֣י לְ֭יָמִים וְאַתֶּ֣ם יְשִׁישִׁ֑ים עַל־כֵּ֖ן זָחַ֥לְתִּי וָֽאִירָ֓א ׀ מֵחַוֺּ֖ת דֵּעִ֣י אֶתְכֶֽם׃
6 און אליהוא דער זון פֿון בַרַכאֵל דעם בוזי האָט זיך אָפּגערופֿן און האָט געזאָגט: ייִנגער בין איך פֿון אײַך אין טעג, און איר זײַט גרײַזן, דרום האָב איך מיך געשײַט און מורא געהאַטאײַך אַרױסזאָגן מײַן געדאַנק.
ז אָ֭מַרְתִּי יָמִ֣ים יְדַבֵּ֑רוּ וְרֹ֥ב שָׁ֝נִ֗ים יֹדִ֥יעוּ חָכְמָֽה׃
7 איך האָב געזאָגט: טעג זאָלן רעדן, און פֿיל יאָרן זאָלן מאַכן װיסן חכמה.
ח אָ֭כֵן רֽוּחַ־הִ֣יא בֶאֱנ֑וֹשׁ וְנִשְׁמַ֖ת שַׁדַּ֣י תְּבִינֵֽם׃
8 אָבער עס איז דער גײַסט אין מענטשן, און דער אָטעם פֿון אַלמאַכטיקן װאָס מאַכט זײ פֿאַרשטאַנדיק.
ט לֹֽא־רַבִּ֥ים יֶחְכָּ֑מוּ וּ֝זְקֵנִ֗ים יָבִ֥ינוּ מִשְׁפָּֽט׃
9 ניט די גרױסע זײַנען חכמים, און ניט די זקנים פֿאַרשטײען װאָס איז גערעכט.
י לָכֵ֣ן אָ֭מַרְתִּי שִׁמְעָה־לִּ֑י אֲחַוֶּ֖ה דֵּעִ֣י אַף־אָֽנִי׃
10 דרום זאָג איך: הער מיר צו, לאָמיך אױך אַרױסזאָגן מײַן געדאַנק.
יא הֵ֤ן הוֹחַ֨לְתִּי לְֽדִבְרֵיכֶ֗ם אָ֭זִין עַד־תְּב֥וּנֹֽתֵיכֶ֑ם עַֽד־תַּחְקְר֥וּן מִלִּֽין׃
11 זעט, איך האָב אָפּגעװאַרט אױף אײַערע רײד, איך האָב צוגעהאָרכט צו אײַערע חָכמות, בעת איר האָט געזוכט װערטער.
יב וְעָֽדֵיכֶ֗ם אֶתְבּ֫וֹנָ֥ן וְהִנֵּ֤ה אֵ֣ין לְאִיּ֣וֹב מוֹכִ֑יחַ עוֹנֶ֖ה אֲמָרָ֣יו מִכֶּֽם׃
12 אָבער איך האָב זיך צוגעקוקט צו אײַך, ערשט ניטאָ װער זאָל באַװײַזן אִיובֿן, װער זאָל ענטפֿערן זײַנע װערטער, פֿון אײַך.
יג פֶּן־תֹּ֣֭אמְרוּ מָצָ֣אנוּ חָכְמָ֑ה אֵ֖ל יִדְּפֶ֣נּוּ לֹא־אִֽישׁ׃
13 אפֿשר װעט איר זאָגן: מיר האָבן אָנגעטראָפֿן חכמה, גאָט קען אים אָפּשלאָגן, ניט אַ מענטש;
יד וְלֹא־עָרַ֣ךְ אֵלַ֣י מִלִּ֑ין וּ֝בְאִמְרֵיכֶ֗ם לֹ֣א אֲשִׁיבֶֽנּוּ׃
14 אָבער ניט ער האָט אָנגעריכט צו מיר די װערטער, און ניט מיט אײַערע רײד װעל איך אים ענטפֿערן.
טו חַ֭תּוּ לֹא־עָ֣נוּ ע֑וֹד הֶעְתִּ֖יקוּ מֵהֶ֣ם מִלִּֽים׃
15 זײ זײַנען דערשראָקן, זײ ענטפֿערן מער ניט, אָפּגענומען זײַנען די װערטער פֿון זײ.
טז וְ֭הוֹחַלְתִּי כִּי־לֹ֣א יְדַבֵּ֑רוּ כִּ֥י עָ֝מְד֗וּ לֹא־עָ֥נוּ עֽוֹד׃
16 און איך זאָל װאַרטן, װײַל זײ רעדן ניט, װײַל זײ שטײען און ענטפֿערן מער ניט?
יז אַעֲנֶ֣ה אַף־אֲנִ֣י חֶלְקִ֑י אֲחַוֶּ֖ה דֵעִ֣י אַף־אָֽנִי׃
17 איך אױך װעל ענטפֿערן מײַן חלק, איך אױך װעל אַרױסזאָגן מײַן געדאַנק.
יח כִּ֭י מָלֵ֣תִי מִלִּ֑ים הֱ֝צִיקַ֗תְנִי ר֣וּחַ בִּטְנִֽי׃
18 װאָרום איך בין פֿול מיט װערטער, מיך דריקט דער גײַסט פֿון מײַן לײַב.
יט הִנֵּֽה־בִטְנִ֗י כְּיַ֥יִן לֹא־יִפָּתֵ֑חַ כְּאֹב֥וֹת חֲ֝דָשִׁ֗ים יִבָּקֵֽעַ׃
19 זע, מײַן לײַב איז װי װײַן װאָס איז ניט געעפֿנט, װי נײַע לאָגלען װערט ער צעפּלאַצט.
כ אֲדַבְּרָ֥ה וְיִֽרְוַֽח־לִ֑י אֶפְתַּ֖ח שְׂפָתַ֣י וְאֶֽעֱנֶֽה׃
20 איך װעל רעדן, און מיר װעט פֿרײַער װערן, איך װעל עפֿענען מײַנע ליפּן און ענטפֿערן.
כא אַל־נָ֭א אֶשָּׂ֣א פְנֵי־אִ֑ישׁ וְאֶל־אָ֝דָ֗ם לֹ֣א אֲכַנֶּֽה׃
21 לאָמיך נאָר ניט שױנען קײן מאַנס פּנים, און קײן מענטשן ניט חנפֿען.
כב כִּ֤י לֹ֣א יָדַ֣עְתִּי אֲכַנֶּ֑ה כִּ֝מְעַ֗ט יִשָּׂאֵ֥נִי עֹשֵֽׂנִי׃
22 װאָרום איך װײס ניט װי צו חנפֿען;באַלד װאָלט מיך אַװעקנעמען מײַן באַשעפֿער.
פֿריִערדיקער קאַפּיטלווײַטערדיקער קאַפּיטל