תהילים 97

קאַפּיטל 97

א יְהוָ֣ה מָ֭לָךְ תָּגֵ֣ל הָאָ֑רֶץ יִ֝שְׂמְח֗וּ אִיִּ֥ים רַבִּֽים׃

1 גאָט טוט קיניגן, זאָל לוסטיק זײַן די ערד, זאָלן זיך פֿרײען די פֿיל אינדזלען.

ב עָנָ֣ן וַעֲרָפֶ֣ל סְבִיבָ֑יו צֶ֥דֶק וּ֝מִשְׁפָּ֗ט מְכ֣וֹן כִּסְאֽוֹ׃

2 װאָלקן און נעבל זײַנען אַרום אים, רעכט און גערעכטיקײט דאָס געשטעל פֿון זײַן טראָן.

ג אֵ֭שׁ לְפָנָ֣יו תֵּלֵ֑ךְ וּתְלַהֵ֖ט סָבִ֣יב צָרָֽיו׃

3 אַ פֿײַער גײט אים פֿאַרױס, און פֿאַרברענט רונד אַרום זײַנע פֿײַנט.

ד הֵאִ֣ירוּ בְרָקָ֣יו תֵּבֵ֑ל רָאֲתָ֖ה וַתָּחֵ֣ל הָאָֽרֶץ׃

4 זײַנע בליצן באַלײַכטן די װעלט;עס זעט די ערד, און זי ציטערט.

ה הָרִ֗ים כַּדּוֹנַ֗ג נָ֭מַסּוּ מִלִּפְנֵ֣י יְהוָ֑ה מִ֝לִּפְנֵ֗י אֲד֣וֹן כָּל־הָאָֽרֶץ׃

5 די בערג צעגײען װי װאַקס פֿאַר גאָט, פֿאַר דעם האַר פֿון דער גאַנצער ערד.

ו הִגִּ֣ידוּ הַשָּׁמַ֣יִם צִדְק֑וֹ וְרָא֖וּ כָל־הָעַמִּ֣ים כְּבוֹדֽוֹ׃

6 די הימלען דערצײלן זײַן גערעכטיקײט, און אַלע פֿעלקער זעען זײַן כּבֿוד.

ז יֵבֹ֤שׁוּ ׀ כָּל־עֹ֬בְדֵי פֶ֗סֶל הַמִּֽתְהַלְלִ֥ים בָּאֱלִילִ֑ים הִשְׁתַּחֲווּ־ל֝וֹ כָּל־אֱלֹהִֽים׃

7 צו שאַנד װערן אַלע געצנדינער, װאָס רימען זיך מיט נישטיקײטן;עס בוקן זיך צו אים אַלע געטערט.

ח שָׁמְעָ֬ה וַתִּשְׂמַ֨ח ׀ צִיּ֗וֹן וַ֭תָּגֵלְנָה בְּנ֣וֹת יְהוּדָ֑ה לְמַ֖עַן מִשְׁפָּטֶ֣יךָ יְהוָֽה׃

8 צִיון הערט און זי פֿרײט זיך, און לוסטיק זײַנען די טעכטערשטעט פֿון יהוּדה, פֿון װעגן דײַנע משפּטים, ה׳.

ט כִּֽי־אַתָּ֤ה יְהוָ֗ה עֶלְי֥וֹן עַל־כָּל־הָאָ֑רֶץ מְאֹ֥ד נַ֝עֲלֵ֗יתָ עַל־כָּל־אֱלֹהִֽים׃

9 װאָרום דו ה׳ ביסט דער העכסטער איבער דער גאַנצער ערד, הױך דערהױבן איבער אַלע געטער.

י אֹהֲבֵ֥י יְהוָ֗ה שִׂנְא֫וּ רָ֥ע שֹׁ֭מֵר נַפְשׁ֣וֹת חֲסִידָ֑יו מִיַּ֥ד רְ֝שָׁעִ֗ים יַצִּילֵֽם׃

10 איר ליבהאָבער פֿון גאָט, האָט פֿײַנט שלעכטס!ער היט די נפֿשות פֿון זײַנע פֿרומע, פֿון דער האַנט פֿון רשָעים איז ער זײַ מציל.

יא א֭וֹר זָרֻ֣עַ לַצַּדִּ֑יק וּֽלְיִשְׁרֵי־לֵ֥ב שִׂמְחָֽה׃

11 אַ ליכט איז פֿאַרזײט פֿאַרן צדיק, און פֿאַר די רעכטפֿאַרטיקע הערצער אַ פֿרײד.

יב שִׂמְח֣וּ צַ֭דִּיקִים בַּֽיהוָ֑ה וְ֝הוֹד֗וּ לְזֵ֣כֶר קָדְשֽׁוֹ׃

12 פֿרײט זיך, איר צדיקים, מיט גאָט, און דאַנקט זײַן הײליקער געדעכעניש.