詩篇 136

章 136

א הוֹד֣וּ לַיהוָ֣ה כִּי־ט֑וֹב כִּ֖י לְעוֹלָ֣ם חַסְדּֽוֹ׃

1 你們要稱謝永恆者，因為祂本是良善，祂的慈愛永遠長存。

ב ה֭וֹדוּ לֵֽאלֹהֵ֣י הָאֱלֹהִ֑ים כִּ֖י לְעוֹלָ֣ם חַסְדּֽוֹ׃

2 你們要稱謝萬神之上帝，因為祂的慈愛永遠長存。

ג ה֭וֹדוּ לַאֲדֹנֵ֣י הָאֲדֹנִ֑ים כִּ֖י לְעֹלָ֣ם חַסְדּֽוֹ׃

3 你們要稱謝萬主之主，因為祂的慈愛永遠長存。

ד לְעֹ֘שֵׂ֤ה נִפְלָא֣וֹת גְּדֹל֣וֹת לְבַדּ֑וֹ כִּ֖י לְעוֹלָ֣ם חַסְדּֽוֹ׃

4 你們要稱謝那獨自行大奇事的，因為祂的慈愛永遠長存。

ה לְעֹשֵׂ֣ה הַ֭שָּׁמַיִם בִּתְבוּנָ֑ה כִּ֖י לְעוֹלָ֣ם חַסְדּֽוֹ׃

5 你們要稱謝那憑悟性造諸天的，因為祂的慈愛永遠長存。

ו לְרֹקַ֣ע הָ֭אָרֶץ עַל־הַמָּ֑יִם כִּ֖י לְעוֹלָ֣ם חַסְדּֽוֹ׃

6 你們要稱謝那將大地鋪展在水面之上的，因為祂的慈愛永遠長存。

ז לְ֭עֹשֵׂה אוֹרִ֣ים גְּדֹלִ֑ים כִּ֖י לְעוֹלָ֣ם חַסְדּֽוֹ׃

7 你們要稱謝那造大光的，因為祂的慈愛永遠長存。

ח אֶת־הַ֭שֶּׁמֶשׁ לְמֶמְשֶׁ֣לֶת בַּיּ֑וֹם כִּ֖י לְעוֹלָ֣ם חַסְדּֽוֹ׃

8 造太陽掌管白晝，因為祂的慈愛永遠長存。

ט אֶת־הַיָּרֵ֣חַ וְ֭כוֹכָבִים לְמֶמְשְׁל֣וֹת בַּלָּ֑יְלָה כִּ֖י לְעוֹלָ֣ם חַסְדּֽוֹ׃

9 造月亮和星辰掌管黑夜，因為祂的慈愛永遠長存。

י לְמַכֵּ֣ה מִ֭צְרַיִם בִּבְכוֹרֵיהֶ֑ם כִּ֖י לְעוֹלָ֣ם חַסְדּֽוֹ׃

10 你們要稱謝那擊殺埃及人長子的，因為祂的慈愛永遠長存。

יא וַיּוֹצֵ֣א יִ֭שְׂרָאֵל מִתּוֹכָ֑ם כִּ֖י לְעוֹלָ֣ם חַסְדּֽוֹ׃

11 又領以色列從他們中間出來，因為祂的慈愛永遠長存。

יב בְּיָ֣ד חֲ֭זָקָה וּבִזְר֣וֹעַ נְטוּיָ֑ה כִּ֖י לְעוֹלָ֣ם חַסְדּֽוֹ׃

12 用大能的手和伸出的膀臂，因為祂的慈愛永遠長存。

יג לְגֹזֵ֣ר יַם־ס֭וּף לִגְזָרִ֑ים כִּ֖י לְעוֹלָ֣ם חַסְדּֽוֹ׃

13 你們要稱謝那將紅海分開成多段的，因為祂的慈愛永遠長存。

יד וְהֶעֱבִ֣יר יִשְׂרָאֵ֣ל בְּתוֹכ֑וֹ כִּ֖י לְעוֹלָ֣ם חַסְדּֽוֹ׃

14 又使以色列從其中走過，因為祂的慈愛永遠長存。

טו וְנִ֘עֵ֤ר פַּרְעֹ֣ה וְחֵיל֣וֹ בְיַם־ס֑וּף כִּ֖י לְעוֹלָ֣ם חַסְדּֽוֹ׃

15 又把法老和他的軍隊推翻在紅海裡，因為祂的慈愛永遠長存。

טז לְמוֹלִ֣יךְ עַ֭מּוֹ בַּמִּדְבָּ֑ר כִּ֖י לְעוֹלָ֣ם חַסְדּֽוֹ׃

16 你們要稱謝那引領祂的百姓走過曠野的，因為祂的慈愛永遠長存。

יז לְ֭מַכֵּה מְלָכִ֣ים גְּדֹלִ֑ים כִּ֖י לְעוֹלָ֣ם חַסְדּֽוֹ׃

17 你們要稱謝那擊殺大君王的，因為祂的慈愛永遠長存。

יח וַֽ֭יַּהֲרֹג מְלָכִ֣ים אַדִּירִ֑ים כִּ֖י לְעוֹלָ֣ם חַסְדּֽוֹ׃

18 又殺了強大的君王，因為祂的慈愛永遠長存。

יט לְ֭סִיחוֹן מֶ֣לֶךְ הָאֱמֹרִ֑י כִּ֖י לְעוֹלָ֣ם חַסְדּֽוֹ׃

19 殺了亞摩利人的王西宏，因祂的慈愛永遠長存；

כ וּ֭לְעוֹג מֶ֣לֶךְ הַבָּשָׁ֑ן כִּ֖י לְעוֹלָ֣ם חַסְדּֽוֹ׃

20 又殺了巴珊王噩，因為祂的慈愛永遠長存。

כא וְנָתַ֣ן אַרְצָ֣ם לְנַחֲלָ֑ה כִּ֖י לְעוֹלָ֣ם חַסְדּֽוֹ׃

21 將他們的地賜下作為產業，因為祂的慈愛永遠長存。

כב נַ֭חֲלָה לְיִשְׂרָאֵ֣ל עַבְדּ֑וֹ כִּ֖י לְעוֹלָ֣ם חַסְדּֽוֹ׃

22 就是賜給祂僕人以色列作為產業，因為祂的慈愛永遠長存。

כג שֶׁ֭בְּשִׁפְלֵנוּ זָ֣כַר לָ֑נוּ כִּ֖י לְעוֹלָ֣ם חַסְדּֽוֹ׃

23 你們要稱謝那在我們卑微時顧念我們的，因為祂的慈愛永遠長存。

כד וַיִּפְרְקֵ֥נוּ מִצָּרֵ֑ינוּ כִּ֖י לְעוֹלָ֣ם חַסְדּֽוֹ׃

24 又救我們脫離我們的敵人，因為祂的慈愛永遠長存。

כה נֹתֵ֣ן לֶ֭חֶם לְכָל־בָּשָׂ֑ר כִּ֖י לְעוֹלָ֣ם חַסְדּֽוֹ׃

25 你們要稱謝那賜糧食給一切有血肉之軀的，因為祂的慈愛永遠長存。

כו ה֭וֹדוּ לְאֵ֣ל הַשָּׁמָ֑יִם כִּ֖י לְעוֹלָ֣ם חַסְדּֽוֹ׃

26 你們要稱謝天上的上帝，因為祂的慈愛永遠長存。