詩篇 6

章 6

א לַמְנַצֵּ֣חַ בִּ֭נְגִינוֹת עַֽל־הַשְּׁמִינִ֗ית מִזְמ֥וֹר לְדָוִֽד׃

1 交給詩班長，用弦樂器伴奏，調用八弦琴。大衛的詩。

ב יְֽהוָ֗ה אַל־בְּאַפְּךָ֥ תוֹכִיחֵ֑נִי וְֽאַל־בַּחֲמָתְךָ֥ תְיַסְּרֵֽנִי׃

2 永恆者啊，求你不要在怒氣中責備我，也不要在烈怒中管教我。

ג חָנֵּ֥נִי יְהוָה֮ כִּ֤י אֻמְלַ֫ל אָ֥נִי רְפָאֵ֥נִי יְהוָ֑ה כִּ֖י נִבְהֲל֣וּ עֲצָמָֽי׃

3 永恆者啊，求你恩待我，因為我衰弱不堪；永恆者啊，求你醫治我，因為我的骨頭驚惶戰慄。

ד וְ֭נַפְשִׁי נִבְהֲלָ֣ה מְאֹ֑ד ואת [וְאַתָּ֥ה] יְ֝הוָ֗ה עַד־מָתָֽי׃

4 我的心靈也極其驚惶；永恆者啊，你要到幾時呢？

ה שׁוּבָ֣ה יְ֭הוָה חַלְּצָ֣ה נַפְשִׁ֑י ה֝וֹשִׁיעֵ֗נִי לְמַ֣עַן חַסְדֶּֽךָ׃

5 永恆者啊，求你回轉，救拔我的性命；為了你的慈愛，拯救我。

ו כִּ֤י אֵ֣ין בַּמָּ֣וֶת זִכְרֶ֑ךָ בִּ֝שְׁא֗וֹל מִ֣י יֽוֹדֶה־לָּֽךְ׃

6 因為在死亡中無人記念你，在陰間有誰會稱謝你呢？

ז יָגַ֤עְתִּי ׀ בְּֽאַנְחָתִ֗י אַשְׂחֶ֣ה בְכָל־לַ֭יְלָה מִטָּתִ֑י בְּ֝דִמְעָתִ֗י עַרְשִׂ֥י אַמְסֶֽה׃

7 我因嘆息而疲憊不堪；每夜我用淚水沾污我的床，用眼淚浸透我的床榻。

ח עָֽשְׁשָׁ֣ה מִכַּ֣עַס עֵינִ֑י עָֽ֝תְקָ֗ה בְּכָל־צוֹרְרָֽי׃

8 我的眼睛因憂憤而昏花，因我一切的敵人而衰老。

ט ס֣וּרוּ מִ֭מֶּנִּי כָּל־פֹּ֣עֲלֵי אָ֑וֶן כִּֽי־שָׁמַ֥ע יְ֝הוָ֗ה ק֣וֹל בִּכְיִֽי׃

9 你們一切作惡的人，離開我吧！因為永恆者已經聽見我哭泣的聲音。

י שָׁמַ֣ע יְ֭הוָה תְּחִנָּתִ֑י יְ֝הוָ֗ה תְּֽפִלָּתִ֥י יִקָּֽח׃

10 永恆者已經聽見我的懇求；永恆者必收納我的禱告。

יא יֵבֹ֤שׁוּ ׀ וְיִבָּהֲל֣וּ מְ֭אֹד כָּל־אֹיְבָ֑י יָ֝שֻׁ֗בוּ יֵבֹ֥שׁוּ רָֽגַע׃

11 我一切的仇敵必蒙羞，極其驚惶；他們必轉回，頃刻之間蒙羞。