Liturgy על שמות 21:38

בְּלָמְדוֹ סֵֽפֶר מִפִּי מְשׁוּלֵי עֲרֵמַת. וְהֵבִין וְדִקְדֵּק בְּדַת רְשׁוּמַת. וּפָתַח בִּוְאֵֽלֶּה הַמִּשְׁפָּטִים וְחָשַׁב מְזִמַּת. וְגוֹנֵב אִישׁ וּמְכָרוֹ וְנִמְצָא בְיָדוֹ מוֹת יוּמָת:

חָסִין קָרוֹב לְקוֹרְאָיו, וְשׁוֹמֵעַ אֶל־אֶבְיוֹנִים. דָּן דִּין־עָנִי וְאֶבְיוֹן, מִשְׁפַּט רְצוּצִים וּמְעֻנִּים. וְעֶלְיוֹנִים וְתַחְתּוֹנִים, בְּיָדְךָ אֲדוֹן הָאֲדוֹנִים, וּמִשְׁפָּטִי מֵאִתְּךָ יֵצֵא כַּנֹּגַהּ אֵל־אֱמוּנִים. לֹא־אִישׁ אֵל וִיכַזֵּב, אֲשֶׁר יַחֲלִיף עִנְיָנִים. וְגָזַרְתָּ שֵׁשׁ־שָׁנִים. אֲשֶׁר לַעֲבָדִים נִקְנִים. וְכַמָּה־שֵׁשׁ חָלְפוּ־לִי, וְלֹא אָהַבְתִּי אֲדוֹנִים. וְאִם־נִמְכַּרְתִּי לְעֵקֶר, וְלֹא אֶגָּאֵל בַּשָּׁנִים. בִּקְרוֹבִים דִּין־עֵקֶר, וְאַתָּה קְרוֹבִי וְגוֹאֲלִי. יְהֹוָה בֹּקֶר תִּשְׁמַע קוֹלִי:

שִׁבְעָתַיִם הָשֵׁב, חֲלָלִים הַפִּילֵם. בָּאֶבֶן יִרְגְּמוּ אוֹתָם וְחֶרֶב־יְהֹוָה תֹאכְלֵם. בָּנֶיךָ מֵעֹמֶק בּוֹר הַעֲלֵם. וּבַעַל הַבּוֹר יְשַׁלֵּם:

וּבַעַל הַבּוֹר יְשַׁלֵּם:

אֲשֶׁר לַעֲבָדִים נִקְנִים.