וְהָפַכְתִּ֨י חַגֵּיכֶ֜ם לְאֵ֗בֶל וְכָל־שִֽׁירֵיכֶם֙ לְקִינָ֔ה וְהַעֲלֵיתִ֤י עַל־כָּל־מָתְנַ֙יִם֙ שָׂ֔ק וְעַל־כָּל־רֹ֖אשׁ קָרְחָ֑ה וְשַׂמְתִּ֙יהָ֙ כְּאֵ֣בֶל יָחִ֔יד וְאַחֲרִיתָ֖הּ כְּי֥וֹם מָֽר׃
סידור נוסח עדות המזרח
בַּחֹדֶשׁ הָֽרְבִיעִי אָֽפְפוּ עָלַי רָעוֹת וַאֲנָחוֹת, בְּשִׁבְעָה־עָשָׂר בּוֹ, בְּאַנְחָתִי יָגַעְתִּי וְלֹא מָצָאתִי מְנוּחוֹת, גָּעֹה גָעִיתִי בִּבְכִי וְעַל כָּל־רֹאשׁ קְרְחוֹת, כִּי בְיוֹם זֶה נִשְׁתַּבְּרוּ הַלֻּחוֹת: הַלֻּחוֹת יְצָאוּנִי וְסָֽבְבוּ עָלַי תְּלָאוֹת, וְגָֽבְרָה יַד צָרִי וְזֵרַנִי בְּכָל־פֵּאוֹת, סָב־נָא וְהָגֵן מְיַחֲלֵי קֵץ פְּלָאוֹת, כִּי שֶׁמֶשׁ וּמָגֵן יְהֹוָה צְבָאוֹת: