約伯記 41

章 41

א הֵן־תֹּחַלְתּ֥וֹ נִכְזָ֑בָה הֲגַ֖ם אֶל־מַרְאָ֣יו יֻטָֽל׃

1 看哪，人對牠的指望是落空的；豈不是單單看見牠，人就會被摔倒嗎？

ב לֹֽא־אַ֭כְזָר כִּ֣י יְעוּרֶ֑נּוּ וּמִ֥י ה֝֗וּא לְפָנַ֥י יִתְיַצָּֽב׃

2 沒有人兇猛到敢去驚動牠；那麼，誰能站在我面前呢？

ג מִ֣י הִ֭קְדִּימַנִי וַאֲשַׁלֵּ֑ם תַּ֖חַת כָּל־הַשָּׁמַ֣יִם לִי־הֽוּא׃

3 誰曾先給過我甚麼，要我償還他呢？普天之下的萬物都是我的。

ד לא־[לֽוֹ־] אַחֲרִ֥ישׁ בַּדָּ֑יו וּדְבַר־גְּ֝בוּר֗וֹת וְחִ֣ין עֶרְכּֽוֹ׃

4 論到牠，我不會不提牠的肢體、牠的大能，以及牠身體構造的優美。

ה מִֽי־גִ֭לָּה פְּנֵ֣י לְבוּשׁ֑וֹ בְּכֶ֥פֶל רִ֝סְנ֗וֹ מִ֣י יָבֽוֹא׃

5 誰能揭開牠外層的衣甲？誰能進入牠那雙層的嘴唇之間？

ו דַּלְתֵ֣י פָ֭נָיו מִ֣י פִתֵּ֑חַ סְבִיב֖וֹת שִׁנָּ֣יו אֵימָֽה׃

6 誰能打開牠臉上的門？牠牙齒的四圍滿是驚恐。

ז גַּ֭אֲוָה אֲפִיקֵ֣י מָֽגִנִּ֑ים סָ֝ג֗וּר חוֹתָ֥ם צָֽר׃

7 牠以堅固的鱗甲為驕傲，這些鱗甲緊緊閉合，像用印封住一樣嚴密。

ח אֶחָ֣ד בְּאֶחָ֣ד יִגַּ֑שׁוּ וְ֝ר֗וּחַ לֹא־יָב֥וֹא בֵֽינֵיהֶֽם׃

8 鱗甲片片緊緊相連，連空氣也不能透入其間。

ט אִישׁ־בְּאָחִ֥יהוּ יְדֻבָּ֑קוּ יִ֝תְלַכְּד֗וּ וְלֹ֣א יִתְפָּרָֽדוּ׃

9 鱗甲彼此相連，互相緊扣，不能分開。

י עֲ‍ֽ֭טִישֹׁתָיו תָּ֣הֶל א֑וֹר וְ֝עֵינָ֗יו כְּעַפְעַפֵּי־שָֽׁחַר׃

10 牠打噴嚏就發出閃光；牠的眼睛好像黎明的曙光。

יא מִ֭פִּיו לַפִּידִ֣ים יַהֲלֹ֑כוּ כִּיד֥וֹדֵי אֵ֝֗שׁ יִתְמַלָּֽטוּ׃

11 從牠口中噴出燃燒的火把，又迸射出點點火星。

יב מִ֭נְּחִירָיו יֵצֵ֣א עָשָׁ֑ן כְּד֖וּד נָפ֣וּחַ וְאַגְמֹֽן׃

12 從牠的鼻孔中冒出煙來，好像沸騰的鍋子和大釜。

יג נַ֭פְשׁוֹ גֶּחָלִ֣ים תְּלַהֵ֑ט וְ֝לַ֗הַב מִפִּ֥יו יֵצֵֽא׃

13 牠的氣息點燃炭火，從牠口中噴出火焰。

יד בְּֽ֭צַוָּארוֹ יָלִ֣ין עֹ֑ז וּ֝לְפָנָ֗יו תָּד֥וּץ דְּאָבָֽה׃

14 牠的頸項中蘊藏著力量；在牠面前，愁苦也化為歡躍。

טו מַפְּלֵ֣י בְשָׂר֣וֹ דָבֵ֑קוּ יָצ֥וּק עָ֝לָ֗יו בַּל־יִמּֽוֹט׃

15 牠肉的層塊緊緊相連，牢牢附在牠身上，不能搖動。

טז לִ֭בּוֹ יָצ֣וּק כְּמוֹ־אָ֑בֶן וְ֝יָצ֗וּק כְּפֶ֣לַח תַּחְתִּֽית׃

16 牠的心堅硬如石頭，堅硬如下層的磨石。

יז מִ֭שֵּׂתוֹ יָג֣וּרוּ אֵלִ֑ים מִ֝שְּׁבָרִ֗ים יִתְחַטָּֽאוּ׃

17 牠一挺起身來，勇士都懼怕；海中的浪濤也因牠而消退。

יח מַשִּׂיגֵ֣הוּ חֶ֭רֶב בְּלִ֣י תָק֑וּם חֲנִ֖ית מַסָּ֣ע וְשִׁרְיָֽה׃

18 人若用刀劍擊中牠，刀劍也不能奏效；槍、投槍和鎧甲也都無用。

יט יַחְשֹׁ֣ב לְתֶ֣בֶן בַּרְזֶ֑ל לְעֵ֖ץ רִקָּב֣וֹן נְחוּשָֽׁה׃

19 牠把鐵看作乾草，把銅看作朽木。

כ לֹֽא־יַבְרִיחֶ֥נּוּ בֶן־קָ֑שֶׁת לְ֝קַ֗שׁ נֶהְפְּכוּ־ל֥וֹ אַבְנֵי־קָֽלַע׃

20 箭不能使牠逃跑；投石器的石頭在牠看來都化為碎秸。

כא כְּ֭קַשׁ נֶחְשְׁב֣וּ תוֹתָ֑ח וְ֝יִשְׂחַ֗ק לְרַ֣עַשׁ כִּידֽוֹן׃

21 攻城的投石器在牠看來如同碎秸；牠嗤笑標槍的震響。

כב תַּ֭חְתָּיו חַדּ֣וּדֵי חָ֑רֶשׂ יִרְפַּ֖ד חָר֣וּץ עֲלֵי־טִֽיט׃

22 牠腹下的鱗鰭閃耀如陽光；牠躺臥在泥地上，好像鋪開了精金。

כג יַרְתִּ֣יחַ כַּסִּ֣יר מְצוּלָ֑ה יָ֝֗ם יָשִׂ֥ים כַּמֶּרְקָחָֽה׃

23 牠使深淵翻騰，像沸騰的鍋；牠使大海攪動，如同調製的香膏。

כד אַ֭חֲרָיו יָאִ֣יר נָתִ֑יב יַחְשֹׁ֖ב תְּה֣וֹם לְשֵׂיבָֽה׃

24 牠在身後留下一條發亮的水路，人會以為深淵滿頭白髮。

כה אֵֽין־עַל־עָפָ֥ר מָשְׁל֑וֹ הֶ֝עָשׂ֗וּ לִבְלִי־חָֽת׃

25 在塵土之上，沒有誰能轄制牠；牠被造成毫無懼怕。

כו אֵֽת־כָּל־גָּבֹ֥הַּ יִרְאֶ֑ה ה֝֗וּא מֶ֣לֶךְ עַל־כָּל־בְּנֵי־שָֽׁחַץ׃ (ס)

26 凡高大的，牠都俯視；牠是一切驕傲之獸的王。