קבלה על שמות 26:16

בְּגִין דְּבָהּ אַרְבַּע אַתְוָון נְהִירִין דְּאִינוּן יהו''ה, וְאִיהִי דְּמוּת אָדָם, דְּאִיהוּ יו''ד ה''א וא''ו ה''א, וַעֲשַׂר אַתְוָון אִלֵּין אִנּוּן שִׁעוּר קוֹמָא דְּגוּפָא דָא, דְאִיהוּ מַשְׁכְּנָא, וַעֲלַיְהוּ אִתְּמַר (שמות כו טז) עִִשֶׂר אַמּוֹת אֹרֶךְ הַקָּרֶשׁ, וָאֲמַלֵּא אוֹתוֹ רוּחַ אֱלֹהִי''ם, בְּחָכְמָה בִתְבוּנָה וּבְדַעַת וּבְכָל מְלָאכָה (שם לא ג), בְּחָכְמָה דָא י', בִּתְבוּנָה דָא ה', וּבְדַעַת דָּא ו', וּבְכָל מְלָאכָה דָא ה'.

כְּמָה דִנְקוּדָה י' אִיהִי מִדָּה לְעִִשֶׂר יְרִיעָן, כַּךְ אִיהִי אַמָּה מִסִּטְרָא דְאוֹת ו', כְּלִילָא מֵעִִשֶׂר אַמּוֹת, הֲדָא הוּא דִכְתִיב (שמות כו טז) עִִשֶׂר אַמּוֹת אֹרֶךְ הַקָּרֶשׁ, וְדָא י', וְאַמָּה ה' עִלָּאָה, וַחֲצִי הָאַמָּה ה' תַּתָּאָה, אֹרֶךְ הַיְרִיעָה הָאַחַת דָּא ו', וְאַמַּאי אִתְקְרֵי ה' תַּתָּאָה חֲצִי הָאַמָּה, בְּגִין דְּאִתְקְרֵי מַצָּה פְּרוּסָה לֶחֶם עוֹנִי.

וְאִיהִי עִִשֶׂר, וּבְגִינָהּ אִתְּמַר (שמות כו טז) עִִשֶׂר אַמּוֹת אֹרֶךְ הַקָּרֶשׁ, אַמּוֹ''ת אִינוּן מֵאוֹ''ת בְּהִפּוּכָא, וְאַמָּה וַחֲצִי הָאַמָּה רֹחַב הַקֶּרֶשׁ הָאֶחָד, דָּא רָזָא דְשִׁעוּר קוֹמָה, דְאִיהוּ אָזִיל עַל קַ''ו הַמִּדָּה, מַאי קַ''ו דָּא אָת ו', דְּאִיהוּ מִדָּה לְכָל שִׁעוּרָא דְגוּפָא.