אִ֣ישׁ יְהוּדִ֔י הָיָ֖ה בְּשׁוּשַׁ֣ן הַבִּירָ֑ה וּשְׁמ֣וֹ מָרְדֳּכַ֗י בֶּ֣ן יָאִ֧יר בֶּן־שִׁמְעִ֛י בֶּן־קִ֖ישׁ אִ֥ישׁ יְמִינִֽי׃
תרגום
גְבַר חֲסִידָא וּמוֹדֶה וּמְצַלֵי קֳדָם אֱלָהָא עַל עַמֵיהּ הֲוָה בְּשׁוּשָׁן בִּירַנְתָּא וּשְׁמֵיהּ מָרְדְכַי אִתְקְרֵי עַל דַהֲוָה מְתִיל לְמֵירָא דַכְיָא בַּר יָאִיר בַּר שִׁמְעִי בַּר גֵרָא בַּר קִישׁ גַבְרָא דְמִן שֵׁבֶט בִּנְיָמִין הוּא שִׁמְעִי דְאַקֵל יַת דָוִד וּבְעָא יוֹאָב לְמִקְטְלֵיהּ וְלָא שַׁבְקֵיהּ עַל דְאִסְתַּכֵּל בֵּיהּ בְּרוּחַ נְבוּאָה וַחֲמָא דְאִטְמוּסֵי מָרְדְכַי וְאֶסְתֵּר לְמִיפַּק מִנֵיהּ וּכְדוֹ פְסַק שִׁמְעִי מִלְמֵילַד פַּקֵד דָוִד לִשְׁלֹמֹה בְּרֵיהּ לְמִקְטַל יָתֵיהּ: